Türkmenistanda täze "Arkadag" futbol kluby döredildi
Türkmenistanyň Futbol federasiýasynyň (TFF) nobatdan daşary maslahatynda täze döredilen “Arkadag” futbol klubuny TFF-niň agzalygyna kabul etmek karary kabul edildi.
Mejlisiň barşynda ýaşlar toparlarynyň gatnaşmagynda çempionatyň, kubok ugrundaky we beýleki ýaryşlaryň geçirilmegi bilen bagly meseleler hem ara alnyp maslahatlaşyldy.
Türkmenistanyň futbol çempionaty 2023-nji ýylyň 4-nji aprelinde badalga alar.
Bäsleşik dört tapgyrda geçiriler. Ýaryşlara dokuz klub gatnaşar. Ýurdumyzyň paýtagtyna üç klub - "Altyn Asyr", "Köpetdag" we "Aşgabat", Balkan welaýatyna - "Şagadam" we "Balkan", Mary welaýatyna - "Merw" we "Energetik", Ahal welaýatyna - "Ahal", Arkadag şäherine – “Arkadag” futbol klublary wekilçilik ederler.
Ýurdumyzyň häzirki çempiony – “Ahal”.
ORIENT news
