ÝUNEP Ýeri goramak boýunça täze ýaşlar başlangyjyna badalga berýär
BMG-niň daşky gurşaw boýunça maksatnamasy (ÝUNEP) täze bütindünýä başlangyjyny - «Ýaş zehinleriň konweýeri» atly maksatnama badalga berdi, ol howanyň üýtgemegi, biodürlüligiň ýitirilmegi, hapalanma we galyndylar meselelerini çözmek üçin tejribäniň dürlüliginini artdyrmaga gönükdirilendir.
BMG-niň Meýletinçiler maksatnamasy (DOON) bilen hyzmatdaşlykda bütin dünýäden ýaş zehinleri çekip, olara ertirki günüň ekologiki liderleri bolmaga mümkinçilik bermäge gönükdirilendir.
«Bu siziň Ýeri goramaga bize kömek etmegiňiz üçin mümkinçiligiňizdir, öz şahsy geljegiňizi döretmek üçin bize kömek etmek mümkinçiligiňizdir», — diýip, ÝUNEP-iň ýerine ýetiriji direktory Inger Andersen mümkin bolan dalaşgärlere özüniň şekilli ýüzlenmesinde aýtdy.
33 ýaşdan uly bolmadyk, iş tejribesi üç ýyldan az bolmadyk ýaş adamlar ýüz tutmasyny tabşyryp bilýärler. Olaryň adamlaryň we planetanyň bähbidi üçin işlemäge uly islegi bolmalydyr.
Ýüz tutmalar 2023-nji ýylyň 15-nji maýyna çenli unv.org saýtynda kabul edilýär.
Maksatnama gatnaşmak arkaly, öz karýerasyna başlaýan ýaşlar ÝUNEP-iň mandatyna ýetmekde öz goşandyny goşarlar. Saýlanan dalaşgärler ÝUNEP-iň Naýrobidäki, Keniýa ştab-kwartirasynda işlärler. Olaryň professional ösüş boýunça birnäçe maksatnamalara elýeterliligi bolar.
ORIENT habarlar
