Aşgabatda frankofoniýa bäsleşiginiň netijeleri jemlendi
Magtymguly adyndaky Türkmen döwlet uniwersitetinde üç kategoriýada – aýdymyň ýerine ýetirilişi, düzme ýazmak we fransuz diliniň orfografiýasyna geçirilen synagly frankofoniýa bäsleşiginiň netijelerini jemledi.
Eger aýdym bäsleşiginde eminler dogry aýdylyşyna, çeperçiligine we «sazyna» baha beren bolsalar, teklip edilen üç mowzukdan birini saýlap boljak iň oňat düzme ýazmak bäsleşiginde düşünjeli, manyly mowzuk ýazmak ukybyna baha berildi. Birinji mowzuga görä, gatnaşyjylar geljekde howanyň üýtgemegini beýan etmeli boldular. Ikinji mowzukda, XIX asyrdan adamyň gündelik durmuşyny beýan etmelidi. Üçünji mowzukda, köpçüligiň öňünde çykyş etmek üçin doklad ýazmak teklip edildi.
Wokal bäsleşiginde ýaş «frankofonlar» wagtyň we howanyň mowzugy bilen baglanyşykly aýdymlary ýerine ýetirdi. Fransuz dilinde iki düşünjäniň hem birmeňzeş ýazylyşy bar. Kristina Krasnokutskaýa bu ýerde aýratyn tapawutlandy. Ol aýdymy, çykyşy üçin ýörite döredilen klip bilen bilelikde gaty täsirli ýerine ýetirdi.
Düzme bäsleşiginde Wiktoriýa Aleksina we Mähri Mämmedowa tapawutlandy. Olaryň düzmeleri uniwersitetiň zalynda ýygnanan myhmanlara okaldy. Orfografiýa bilimine bäsleşikde D.Azade adyndaky Dünýä dilleri institutynyň we Magtymguly adyndaky TDU-niň talyplary ýaryşdylar. Iki uniwersitetiň wekilleri özlerini işjeň, maksada okgunly, akylly we köp okaýan talyplar hökmünde görkezdiler.
Frankofoniýa güni fransuz dilini öwrenýän köp sanly ýaşlary we ýaşulylary, dürli ilçihanalaryň, daşary ýurt kompaniýalarynyň we fransuz mekdebiniň işgärlerini bir ýere jemledi.
ORIENT news
