Türkmenistanyň Mejlisine deputatlaryň saýlawlarynda ses bermeleriň netijeleri çap edildi
Aprel 01, 2023 | 15:43 |10000
Resmi türkmen metbugatynda Türkmenistanyň Mejlisiniň ýedinji çagyrylyşyna deputatlaryň saýlawlarynyň netijeleri baradaky maglumat çap edildi.
Hökümet gazetleriniň sahypalarynda ähli saýlaw uçastoklary boýunça her dalaşgäre näçe ses berlendigini bilmek bolýar. Şeýle hem her okrug üçin hasaba alnan saýlawçylaryň jemi mukdaryndan näçe böleginiň saýlawlarda ses berendigi görkezilendir.
Mundan başga-da, umumy tablisada saýlanan dalaşgärleriň işleýän we ýaşaýan ýeri barada maglumat, olar üçin berlen sesleriň göterimi görkezilendir.
Ses bermeleriň netijeleri bilen türkmen we rus dillerinde tanşyp bolýar.
ORIENT habarlar
