Türkmenistan GDA-nyň Ykdysady Geňeşiniň ýanyndaky komissiýanyň mejlisine gatnaşdy
Türkmen wekiliýeti GDA-nyň Ykdysady Geňeşiniň ýanyndaky ykdysady meseleler baradaky Komissiýanyň mejlisine gatnaşdy – diýip, Arkalaşygyň metbugat gullugy habar berýär.
Duşuşykda GDA agza-ýurtlaryň ykdysady hyzmatdaşlygynyň dürli ugurlary ara alnyp maslahatlaşyldy, birnäçe resminamalaryň taslamalaryna seredildi.
Gatnaşyjylar Arkalaşyga agza-ýurtlaryň ýangyç-energetika pudaklarynyň sanly özgertmeKonsepsiýasynyň taslamalaryny we ony ýerine ýetirmekde ilkinji nobatda edilmeli çäreleriň Meýilnamasyny ara alyp maslahatlaşdylar. Bu resminamalar nebit-gaz toplumynyň, kömür senagatynyň, elektroenergetikanyň, atom energiýasynyň sanly özgertmeleri babatynda döwletler arasyndaky özara gatnaşyklary ösdürmeklige gönükdirilendir. Olar şeýle hem maglumatlar gurluşynyň döredilmegine ýardam eder, ol ýerde GDA agza-döwletleriň ýangyç-energetika toplumyny ösdürmek üçin ygtyýarlyklarlar emele gelýär.
Gatnaşyjylar şeýle hem energiýanyň gaýtadan dikeldilýän çeşmeleri, kitaphana işi, Arkalaşygyň agza-döwletleriniň gümrük gulluklarynyň özara gatnaşyklary babatyndaky hyzmatdaşlygyň meselelerini hem ara alyp maslahatlaşdylar.
Ähli meseleler GDA-nyň Ykdysady Geňeşiniň 98-nji mejlisiniň gün tertibine girizildi.
ORIENT habarlar
