Täze “Arkadag” teleýaýlymy sentýabr aýyndan başlap, ýaýlyma çykar
Mart 30, 2023 | 23:17 |17122
Arkadag şäheri üçin döwlet ähmiýetli şäher diýen aýratyn hukuk ýagdaýynyň bellenilmegi bilen baglylykda, Türkmenistanyň Prezidenti degişli kanunlara gol çekdi.
Resminamalara laýyklykda, Ahal welaýatynyň Arkadag şäher häkimliginiň ady üýtgedilip, ol Arkadag şäheriniň häkimligi diýlip atlandyryldy, şeýle-de Arkadag şäheriniň Kärizek etrabynyň we Gorjaw etrabynyň häkimlikleri döredildi.
Türkmenistanyň Prezidenti Telewideniýe, radiogepleşikler we kinematografiýa baradaky döwlet komitetiniň düzüminde “Arkadag” teleýaýlymyny döretmek hakynda Karara gol çekdi. Resminama laýyklykda, täze ýaýlym 2023-nji ýylyň sentýabryndan başlap, gije-gündiziň dowamynda 15 sagatlap gepleşikleri ýaýlyma berer.
ORIENT news
