Gyrgyzystanda gül sebäpli tutuş tebigy goraghanany ýapýarlar
Gyrgyzystanyň Batken welaýatynda Aýgül atly seýrek duş gelýän güli goramak üçin «Aýgül-Too» botaniki goraghanasyny üç ýyllyk ýapýarlar.
Goraghana zolagy syýahatçylar üçin 2023-nji ýylyň 1-nji aprelinden 2026-njy ýylyň 1-nji apreline çenli ýapyk bolar. Şeýle berk çäreler ajaýyp güli goramak üçin görülýär.
Endemiki ösümlik diňe bir dagyň – Aýgül-Taşyň eňňitlerinde ösýär, ol Batkenden 17 km töweregi uzaklykda ýerleşýär. Seýrek duş gelýän ösümlik tohumlary ösüp çykandan soňra 7-8 ýyldan gülleýär.
Ozal Gyrgyzystanyň häkimiýetleri ony oba hojalygy üçin niýetlenen ýerleriň derejesinden aýryp, goraghana aýratyn goralýan çäk derejesini bermegi teklip etdiler. Goraghananyň meýdany — 263,9 ga deňdir.
1978-nji ýylda Eduardyň Rýabçigi (Aýgüliň ylmy ady şeýle atlandyrylýar) SSSR-iň Gyzyl kitabyna, 2004-nji ýylda bolsa — Gyrgyzystanyň Gyzyl kitabyna girizildipdi.
ORIENT habarlar
