Günde äpet deşik peýda boldy
Günüň ýüzünde Ýeriň ölçeginden 20 esse uly bolantäze koronar deşik peýda boldy – diýip, NASA salgylanyp, Daily Mail habar berýär.
Ondan akyp çykýan plazmanyň akymy sagatda 2,9 mln km tizlik bilen hereket edýär. Gün şemaly 31-nji martda ýa-da 1-nji aprelde biziň planetamyza gelip ýeter. Ol magnit tupanynyň bolmagyna getirer.
Şunda, çaklamalara görä, plazmanyň akymynyň uly bölegi Ýerden sowlup geçer we tupan güýçli bolmaz.
Şeýle koronar deşikler seýrek bolýan zar däldir, adatça olar Günüň polýuslarynyň golaýynda peýda bolýarlar. Ýöne soňky deşik Ekwatoryň golaýynda peýda boldy, bu bolsa Ýerde polýar çyralarynyň boljakdygyna şaýatlyk edýär. Günüň bölejikleriniň Gün ulgamy arkaly dargamagy we ýerdäki atmosfera bilen özara täsire girmeginiň netijesinde olar peýda bolýarlar.
Bu ýyldyzda soňky döwürde hasaba alnan ikinji äpet ölçegli deşikdir. Birinjisi (Ýerden 30 esse uly) Günde 23-nji martda ýüze çykaryldy.
ORIENT habarlar
