Oslodaky, Londondaky we Stambuldaky musulmanlar hemmelerden uzak agyz bekleýärler
Tutuş yslam dünýäsinde musulmanlaryň agyz beklenýän mukaddes Oraza aýy dowam edýär. Oraza hemmeler üçin şol bir wagtda gelse-de agyz beklemegiň dowamlylygy, aýratyn hem, demirgazykda ýaşaýan musulmanlaryňky tapawutlanýar.
Bazar we sarp edijilik maglumatlaryna ýöriteleşýän Statista nemes kompaniýasynyň maglumatlaryna görä, Oslodaky, Londondaky we Stambuldaky musulmanlar Oraza wagtynda hemmelerden uzak agyz bekleýärler.
Şeýlelikde, Osloda ortaça, gije-gündizde 16,5 sagada golaý agyz bekleýärler. Ikinji orunda ýerleşýän Angliýanyň paýtagtynyň musulmanlary 15 sagada golaý agyz bekleýärler, Stambulyň ýaşaýjylary bolsa 14,5 sagada golaý iýip-içmän gezýärler. Ummanyň aňyrsynda, dünýäniň iri aglomerasiýalarynyň biri bolanNýu-Ýorkda – ortaça 14 sagat 11 minut agyz bekleýärler.
ORIENT habarlar
