Bilim ministrliginiň maglumatlar merkezi uçurymlara daşary ýurt diplomlaryny ykrar etmäge kömek eder
Türkmenistanyň Bilim ministrliginiň Innowasion-maglumat merkezi (IIS) daşary ýurtdaky ýokary okuw mekdebini tamamlan uçurymlara Türkmenistanyň çäklerinde öz hünärini ykrar etdirmäge kömek eder.
Bu Prezident Serdar Berdimuhamedowyň 28-nji martda gol çeken buýrugyndan gelip çykýar.
Resminama Bilim ministrliginiň maglumatlar merkezini «Ýewropa sebitinde ýokary bilim baradaky hünär derejesini ykrar etmek hakyndaky Konwensiýada görkezilen milli maglumatlar merkezleriniň işini ýerine ýetirmäge ygtyýarlandyrylan» edara hökmünde diýip kesgitledi.
Bu Bilim ministrliginiň IMM-niň uçurymlara ýokarda agzalan Konwensiýa birigen ýurtlaryň ýokary okuw mekdeplerinde alnan hünärini tassyklamak üçin olara gerekli bolan ähli maglumaty berer diýildigidir.
Hünär diýlip adamyň belli bir işi ýä-da hünäri ýerine ýetirmek üçin gerekli bilimlerini we başarnyklaryny resmi taýdan ykrar edýän islendik resminama göz öňünde tutulýar. Bu ýokary okuw mekdepleriniň, şeýle hem orta hünär okuw edaralarynyň resminamalary bolup biler.
Buýrukda görülýän çäreleriň şu aşakdakylara ýardam etmeklige niýetlenendigi görkezilýär:
– ýurduň ýokary we orta hünärli bilimli işgärler bilen üpjün edilişine,
– daşary ýurt döwletlerinde berlen ýokary we orta hünär bilimi baradaky resminamalaryň Türkmenistanda ykrar edilişini kämilleşdirilmegine,
– Ýewropa sebitinde ýokary bilim baradaky hünär derejesini ykrar etmek hakynda Konwensiýadan gelip çykýan borçnamalaryň Türkmenistan tarapyndan ýerine ýetirilmegine.
Prezidentiň buýrugyndaky ähli düzgünler diňe Türkmenistanyň kanunlaryna üýtgetmeler we goşmaçalar girizilenden soňra güýje girer. Olary Bilim we Adalat ministrlikleri tarapyndan bir aýyň dowamynda taýýarlamak tabşyryldy.
Bilim ministrliginiň innowasion-maglumatlar merkezi 2020-nji ýylda döredildi we Türkmenistanyň Milli bilim institutynyň çäginde Aşgabat şäherinde şu salgyda hereket edýär: Magtymguly şaýoly, bina 136.
ORIENT habarlar
