TDHÇB-daky söwdalaşyklar: suwuklandyrylan gaz we yşyklandyryjy kerosin eksport edildi
Şenbe güni, 25-nji martda Türkmenistanyň Döwlet haryt-çig mal biržasyndaky söwdalaşyklarda jemi bahasy $8,2 mln amerikan dollaryna deň bolan 5 geleşik baglaşyldy – diýip, ORIENT-iň habarçysy habar berýär.
Owganystandan gelen telekeçiler suwuklandyrylan gazyň 3,2 müň tonnasyny satyn aldylar. STG-yň her tonnasyna $310 amerikan dollary baha berildi. Geleşikleriň jemi bahasy $992 müň amerikan dollarynadeň boldy.
Türkiýeden, Wirgin adalaryndan we Owganystandan gelen telekeçiler KO-20 kysymly yşyklandyryjy kerosiniň jemi 13 müň tonnasyny satyn almak barada geleşik baglaşdylar. Önümiň her tonnasyna $555 amerikan dollary baha berildi, geleşikleriň jemi bahasy bolsa $7,2 mln amerikan dollaryndan geçdi.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlars
