Türkmenistanyň HHR-daky ilçisi Hytaýyň nebituniwersitetiniň rektory bilen hyzmatdaşlygyň meselelerini ara alyp maslahatlaşdy
Pekinde Türkmenistanyň Hytaýdaky ilçisi Parahat Durdyýew Hytaýyň nebit uniwersitetiniň rektoryhanym Wu Sýaolin bilen duşuşdy.
Iki döwletiň ýokary depginde ösýan strategiki gatnaşyklaryny belläp, türkmen diplomaty ýurduň içerki we daşarky sayýasatynyň aýratyn ugurlary barada gürrüň berdi.
Diplomatik wekilhananyň baştutany ýurduň ýangyç-energetika toplumy üçin hünärmenleri taýýarlamagyň möhümdigini belläp, Türkmenistanda giň maksatnamalaryň amala aşyrylmagynyň ähmiýetini nygtady.
Öz gezeginde Wu Sýaolin birnäçe döwletleriň wekilleriniň, şol sanda Türkmenistanyň gatnaşmagynda uniwersitetiň dördilmeginiň 70 ýyllyk ýubileýini baýram etmekligi niýet edinýändigini gürrüň berdi.
Uniwersitetiň halkara bölüminiň başlygy hanym Ýan Weý hödürlenýän okuw maksatnamalarynyň görnüşlerini giňeltmekde hyzmatdaşlygy dowam etdirmek maksady bilen, Türkmenistana baryp görmäge taýýardygyny bildirdi.
Mundan başga-da, Hytaýyň nebit uniwersiteti Türkmenistanyň HHR-daky ilçihanasy bilen bilelikdäki çäreleriň geçirilmegini gaýtadan dikeltmäge taýýardyr.
Hytaýyň nebit uniwersitetine baryp görmegiň barşynda türkmen ilçihanasynyň wekilleri bu ýokary okuw mekdebinde okaýan türkmen talyplary bilen duşuşdylar. Duşuşykda diplomatik wekilhananyň baştutany talyplaryň okuw we ýaşaýyş şertleri bilen tanşyp, olary ilçihananyň ýaşlar bilen işleşmek boýunça jogapkär diplomatlary bilen tanyşdyrdy.
Duşuşygyň ahyrynda Türkmenistanyň HHR-daky ilçisi ýygnananlara Türkmenistanyň Halk Maslahatynyň Başlygy Gurbanguly Berdimuhamedowyň hytaý diline terjime edilen «Türkmeniň döwletlilik ýörelgesi» atly kitabyny gowşurdy.
ORIENT habarlar
