China daily: Alibaba işewürligiň düzüminiň uly gaýtadan gurulmagyny başdan geçirer
Hytaýyň tehnologiki ägirdi bolan Alibaba Group Holding Ltd alty sany garaşsyz kiçi bölümleriň döredilmegi arkaly 2024-nji ýylyň dowamyndaky işewürligiň düzüminiň uly gaýtadan gurulmagyny yglan etdi – diýip, China daily habar berýär.
Alibaba Group kompaniýasynyň başlygy we baş ýerine ýetiriji direktory Daniel Çžanyň işgärlere ýazan içerki hatyna laýyklykda her kiçi bölümçäniň hususy baş direktorynyň we direktorlar geňeşiniň dolandyrmagynda daşarky maýany işe çekmäge we özleriniň paýnamalaryny ilkinji açyk ýerleşdirmäge mümkinçiligi bolar.
Alty sany kiçi bölüm bulutly seljeriş, Taobao Tmallplatformasynda söwda etmäge, bütindünýä sanly täjirçilige, sanly media we dynç alşa, ýerli hyzmatlara, şeýle hem Cainiao kompaniýasynyň çäklerinde intellektual logistikany ösdürmäge ýöriteleşer.
Üýtgedip gurmak guramany has çeýe etmäge niýetlenendir, her bir kiçi bölüme bazardaky tiz üýtgemelere işjeň jogap gaýtarmaga mümkinçilik berler.
Daniel Çžan Alibabanyň başlygy we baş ýerine ýetiriji direktory hökmünde işini dowam etdirer, şeýle hem bulutly seljeriş kiçi bölümine baştutanlyk eder. Halkara söwdasy boýunça direktor Szýan Fan bütindünýä sanly işewürlik boýunça kiçi bölümiň baştutany bolar.
ORIENT habarlar
