Türkmenistanyň Hazar deňzi institutynda täze sanly ulgam işe giriziler
Mart 27, 2023 | 12:49 |13609
Türkmenistanyň Ylymlar akademiýasynyň Hazar deňzi instituty üçin täze sanly ulgamy işläp düzmek boýunça tender-bäsleşigi «Türkmenistan» gazetinde çap edildi.
Kiberhowpsuzlygyň ýokary ölçeglerine gabat gelýän bu ulgamy girizmek we gerekli enjamlary satyn almak ylmy-barlag edarasynyň maglumatlar howpsuzlygyny üpjün etmäge niýetlenendir.
Teklipleriň bäsleşigini Türkmenistanyň Maliýe we ykdysadyýet ministrligi institutyň buýurmasy boýunça yglan etdi. Gerekli resminamalary 17-nji aprele çenli şu salgy boýunça tabşyryp bolýar: Aşgabat şäheri, Arçabil şaýoly, jaý 156 (Maliýe ministrliginiň binasy).
Habarlaşmak üçin telefon belgileri: 39-46-39, 39-46-38, 39-46-32.
ORIENT habarlar
