Türkmenistan raýatlary Özbegistana gidýän TOP-10 ýurtlaryň sanawyna girdi
Özbegistan Merkezi Aziýa sebitiniň syýahatçy Mekgesine öwrülýär. Muňa 2023-nji ýylyň ýanwar-fewral aýlarynda bu ýurda gelen jahankeşdeleriň sanlara şaýatlyk edýär. Özbegistan Respublikasynyň Prezidentiniň ýanyndaky Statistika boýunça agentligiň deslapky maglumatlaryna görä, bu ýurda syýahatçylyk maksady bilen iki aýda 871 000 daşary ýurt raýaty geldi. Bu geçen ýyl bilen deňeşdirilende 2,7 esse köp, - diýip UzDaily.uz ýazýar.
Özbegistana iň köp raýatlary baran TOP-10 ýurtlaryň sanawyna Türkmenistan hem syýahatçylar hökmünde girdi. Ýanwar-fewral aýlarynda goňşy döwletde 4,8 müň türkmen raýaty boldy.
Merkezi Aziýa ýurtlary – Täjigistan – 289,2 müň adam, Gazagystan – 241,4 müň adam we Gyrgyzystan – 211,2 müň adam bilen reýtingiň ilkinji üçlüne çykdy. Soňra sanawda Russiýadan, Türkiýeden, Koreýadan, Hindistandan, Hytaýdan we beýleki ýurtlardan gelen syýahatçylar bar. Amerikaly we Ýewropaly jahankeşdeler bu reýtingi ýapýarlar.
ORIENT news
