Taýlandyň Phuket şäheriniň ýolbaşçylary jahankeşdeleri futbol düzgünleri boýunça tertip-düzgüne öwrenşdirýär
Indi sary we gyzyl kartoçkalar Phuketde kanuny we tertibi bozan daşary ýurtly syýahatçylar alýarlar. Mundan başga-da, sary reňkli myhmana şäherdäki dynç alyşlaryny dowam etdirmäge mümkinçilik berýär, ýöne indiki gezek Taýlanda girmäge rugsat berilmeýär. Emma bikanun hereket edenler ikinji gezek gyzyl kartoçkanyň eýesi bolarlar we derrew ýurtdan çykarylar diýip, RIA habarlar agentligi Taýlandyň Phuket News gazetine salgylanýar.
Phuketiň immigrasiýa gullugy daşary ýurtly syýahatçylaryň hukuk bozmalaryny yzarlamak üçin täze ulgam döretdi. Onuň düzgünleri futboldaka meňzeýär. Bu ýerde oýunçylara reňkli kartoçkalar berilýär we meýdançadan çykarylýar. Şäher häkimligi düzgün bozmalara garşy göreşmek üçin täze ulgamda ilkinji gyzyl we sary kartoçkalary alan syýahatçylar barada maglumat ýaýratdy.
Berlen neşire görä, häzirki wagtda kazyýetde 180-den gowrak daşary ýurtlunyň işine garalýandygyny, olaryň köpüsiniň Russiýadan, Fransiýadan, Beýik Britaniýadan, Mýanmadan we Kambojadan gelenlerdir. Iň köp ýaýran düzgün bozmalar içgili ulag sürmek, möhleti gutaran wizada ýurtda galmak, Taýlanda bikanun girmek we rugsatsyz işlemek.
Şeýle ulgam häzirki wagtda diňe Phuketde hereket edýär. Eger netijeli bolsa, onda ony beýleki meşhur syýahatçylyk ýerleri - Pattaýa, Çiang Maý we Samuide girizerler.
ORIENT news
