Martyň aýagynda Koreýa Respublikasynda Türkmenistanyň Medeniýet günleri geçer
29-njy martdan 31-nji marta çenli Koreýa Respublikasynyň birbada iki şäheri – Seul we Yýdjonbu – Türkmenistanyň Medeniýet günlerini kabul ederler.
Maksatnamada beýik türkmen şahyry Magtymguly Pyragynyň doglan gününiň 300 ýyllygyna bagyşlanan halkara maslahaty, halk amaly-haşam syngatynyň sergisi, şeýle hem türkmen kinofilmleriniň görkezilişi göz öňünde tutulandyr.
Kino görkezilişiň maksatnamasyna «Türkmenfilm»döredijilik birleşmesi tarapyndan Magtymguly Pyragynyň eseriniň esasynda düşürilen «Istärin» doly metražly çeper lentasy we bir ýetginjegiň atşynaslygyň esaslaryny özleşdirişini beýan edýän «At-Myrat»kinokartinasy girer.
Medeniýet çäreleri mynasybetli Koreýanyňtomaşaçylaryny türkmen saz medeniýetiniň eserleri, özboluşly tans däpleri we aýdymçylaryň ýerine ýetirijilik ussatlygy bilen tanyşdyrjak gala-konsert bolar.
Koreýadaky türkmen Medeniýet günleri iki ýurduň sungat ussatlarynyň bilelikdäki konserti bilen jemlener.
Türkmenistanyň Koreýa Respublikasyndaky Medeniýet günleri iki döwletiň arasyndaky dostluk gatnaşyklaryny pugtalandyrmakda we medeni alyş-çalyşy giňeltmekde uly ähmiýete eýedir. Seuldaky we Yýdjonbudaky öňde boljak çäreler Respublikanyň ýaşaýjylaryna Türkmenistanyň medeniýetine goşulmaga we ýurt hakynda köp täze zatlary bilmäge mümkinçilik berer.
ORIENT habarlar
