Kuala-Lumpur täze türkmen Arkadag şäheri bilen tanyşýar
Şäher gurluşyk we şäherleşme işini kämilleşdirme pudagynda iki ýurduň häkimlikleriniň arasynda aragatnaşygy sazlamak, Türkmenistanyň Malaýziýadaky ilçisi Muhametniýaz Maşalow bilen Kuala-Lumpur şäheriniň häkimi Mahadi Çe Ngahyň duşuşygyň esasy mowzugy boldy.
Duşuşykda ilçi milli lider Gurbanguly Berdimuhamedowyň howandarlygynda akylly şäher düşünjesi esasynda gurulýan täze Arkadag şäherini tanyşdyrdy. Gurluşykda, innowasiýa tehnologiýalarynda we akylly ulgamlarda ekologiýa taýdan arassa materiallaryň tutuş şäher ykdysadyýetiniň işinde ulanylmagy aýratyn bellendi.
Malaýziýa tarapy, daşky gurşawy goramagy göz öňünde tutup döredilýän Arkadag şäherindäki ösen infrastruktura ýokary baha berdi we şäher gurluşygy we akylly şäher dolandyryşy babatynda ýurtlarymyzyň arasynda hyzmatdaşlygy ösdürmäge hem-de tejribe alyşmaga gyzyklanma bildirdi.
ORIENT news
