GDA-nyň Baş sekretary Türkmenistanyň Daşary işler ministrliginde gepleşikler geçirdi
Türkmenistanyň Daşary işler ministri Raşid Meredow bilen GDA-nyň Baş sekretary Sergeý Lebedew tarapyndan anna güni geçirilen gepleşiklerde Mejlisiň deputatlaryny we ýerli wekilçilikli edaralaryň agzalaryny saýlamaga taýýarlyk, GDA-nyň çäklerinde özara gatnaşyklar ýaly meseleler ara alnyp maslahatlaşyldy.
GDA-nyň synçylar toparynyň başlygy hökmünde, Lebedew ýurtda halkara synçylaryň netijeli işlemegi üçin ähli zerur şertleriň döredilendigi üçin Türkmenistanyň ýolbaşçylaryna minnetdarlyk bildirdi.
8-nji martdan bäri ýurtda işleýän synçylaryň pikiriçe, saýlawlara taýýarlyk we öňünden ses bermek, düzgün bozmalar ýa-da düşündirişler bolmazdan, guramaçylykly, mynasyp ýagdaýda geçirilýär. Bu ýagdaý 26-njy martda saýlawlaryň ýokary derejede geçiriljekdigine we ýurduň raýatlarynyň iň mynasyp adamlary saýlajakdygyna ynam bildirmek üçin esas döredýär.
Gepleşigiň dowamynda taraplar bilelikdäki çäreleriň tertibine garadylar, GDA formatyndaky duşuşyklaryň, şol sanda 14-nji aprelde meýilleşdirilýän GDA-nyň Daşary işler ministrleriniň geňeşiniň Samarkandda geçiriljek mejlisiniň gün tertibini, şeýle-de Arkalaşygyň şu ýyl geçirilmegi meýilleşdirilýän ýokary derejeli integrasiýa çärelerine türkmen tarapynyň gatnaşmagy babatda meseleleri ara alyp maslahatlaşdylar.
Türkmenistanyň Daşary işler ministrliginiň metbugat gullugynyň habaryna görä, ministr bilen GDA-nyň Baş sekretary ýurtda akylly şäheriň ilkinji nusgasy bolmaga gönükdirilen Arkadag şäheriniň gurluşygy barada pikir alyşdylar.
ORIENT news
