Türkmenistanyň basketbol ýygyndysy Aziýanyň Kubogy–2023-de çykyş eder
Türkmenistanyň erkekler ýygyndysy 29-njy martdan 2-nji aprel aralygynda Singapurda geçjek basketbol 3x3 görnüşi boýunça Aziýanyň Kubogyna gatnaşar.
ORIENT-e Türkmenistanyň Basketbol federasiýasynda habar bermeklerine görä, milli ýygyndynyň düzümini: Annaguly Hojagulyýew, Merdan Hojamedow, Kerim Mämmetmyradow we Ýewgeniý Nazipow düzdüler, olar Toýly Baýryýewiň ýolbaşçylygynda çykyş ederler.
Abraýly baýrak üçin Aziýanyň 24 sany ýygyndysy göreşerler.
Saýlama toparynda türkmen topary Täze Zelandiýanyň, Koreýa Respublikasynyň we Tonga Patyşalygynyň ýygyndylarynyň garşysyna oýnarlar.
Saýlama oýunlardan üstünlikli geçen halatynda Türkmenistanyň milli ýygyndysy ýaryşyň esasy toruna düşer we ol ýerde Awstraliýanyň hem Ýaponiýanyň ýygyndylary bilen duşuşar.
ORIENT habarlar
