Iýun aýynda Türkmenistanda TÜRKSOY Medeniýet günlerini geçirmek meýilleşdirilýär
TURKSOY guramasynyň döredilmeginiň 30 ýyllygy mynasybetli agza ýurtlarda geçiriljek dürli çäreler maksatnamasynyň çäklerinde guramanyň Medeniýet günleriniň geçirilmegi meýilleşdirilýär. Duşuşykda Türkmenistan bilen TURKSOY guramasynyň arasyndaky gatnaşyklaryň ileri tutulýan ugurlary nukdaýnazaryndan, 30-ýyllyga bagyşlanan maslahatlaryň tertibine, olaryň tematiki taraplaryna garaldy.
Şunuň bilen birlikde, TÜRKSOY guramasynyň çäklerinde 2024-nji ýylyň "Türki dünýäniň beýik şahyry we akyldary Magtymguly Pyragynyň ýyly" diýlip yglan edilmegi, Gündogaryň beýik nusgawy şahyrynyň dünýä inmeginiň 300 ýyllygy we şu ýyl gadymy türkmen şäheri Änewiň türki dünýäniň medeni paýtagty diýlip yglan edilmegi mynasybetli möhüm senelere bagyşlanan bilelikdäki çäreleri geçirmek boýunça pikir alyşyldy – diýlip, Türkmenistan DIM-niň saýtynda habar berilýär.
ORIENT news
