«Turan» Fintech kompaniýasy türki döwletleriň arasynda sanly pul geçirimlerini ýola goýmagy meýilleşdirýär
Türkiýäniň «Turan» fintech kompaniýasy (maliýe tehnologiýalarynda ýöriteleşen), türki döwletleriniň arasynda sanly pul geçirim taslamasy üçin 1 million dollar alýar.
Bu, türki döwletleriň arasynda sanly pul geçirim başlangyjyny durmuşa geçirmek isleýän bir kompaniýa üçin başlangyç maliýeleşdirme, - diýip Ýewropanyň tehnologiýa ekoulgamyna bagyşlanan Tech.eu – onlaýn neşiri habar berýär.
Neşiriň maglumatyna görä, maliýeleşdirmegiň birinji tapgyryna United Payment, Colendi Ventures, APY Ventures, KT Portföy, Tera Portföy, Neo Portföy Turkaz Investment Fund, Re-Pie we Azerbaýjanyň ilkinji wençura gaznasy bolan Caucas Ventures ýaly platformalar gatnaşdylar.
Turan, Türkiýe, Azerbaýjan, Özbegistan, Gyrgyzystan, Gazagystan we Türkmenistan ýaly ähli türki döwletlerine pul geçirmäge mümkinçilik berýän sanly pul geçiriş maksatnamasyny döretdi.
Maksat – türki döwletleri üçin ýörite işlenip taýýarlanan önümleriň we maliýe hyzmatlaryň kömegi bilen takmynan 170 million adamy öz içine almak.
2023-nji ýylda Turan, eýýäm şu ýylyň başynda Azerbaýjanda işe girizilen sanly pul geçiriş modelini Özbegistanda ýola goýmagy meýilleşdirýär. Bu, Türkiýede ýaşaýan özbek raýatlary üçin öýlerine pul ibermek meselesini çözmäge gönükdirilendir.
Indi kompaniýa sebitdäki gatnaşygyny güýçlendirmegi meýilleşdirýär. Turanyň ofisleri şu ýyl Azerbaýjanda we Özbegistanda açylar.
ORIENT news
