Türkmenistanda Saýlawlary we sala salşyklary geçirmek baradaky merkezi topar: demokratik saýlawlarda gender deňliginiň beýany
Türkmenistanda Saýlawlary we sala salşyklary geçirmek baradaky merkezi toparyň Türkmenistanyň Mejlisiniň deputatlarynyň, welaýat, etrap, şäher halk maslahatlarynyň, geňeşleriň agzalarynyň saýlawlarynda zenanlaryň hukuklarynyň berjaý edilişi barada internet sahypasynda ýerleşdiren maglumatlaryna görä,
saýlawlarda bellige alnan:
– Türkmenistanyň Mejlisiniň deputatlygyna dalaşgärleriň – 15,89 göterimi;
– welaýat halk maslahatlarynyň agzalygyna dalaşgärleriň – 32,04 göterimi;
– etrap, şäher halk maslahatlarynyň agzalygyna dalaşgärleriň – 33,98 göterimi;
– Geňeşleriň agzalygyna dalaşgärleriň – 30,72 göterimi zenanlardyr.
Saýlawlary geçirmäge gatnaşýan:
– Merkezi saýlaw toparynyň agzalarynyň – 33,34 göterimi;
– welaýat, Aşgabat şäher saýlaw toparlarynyň agzalarynyň – 19,70 göterimi;
– etrap, etrap hukukly şäher saýlaw toparlarynyň agzalarynyň – 32,33 göterimi;
– okrug saýlaw toparlarynyň agzalarynyň – 41,75 göterimi;
– etrapdaky şäher, şäherçe, geňeşlik saýlaw toparlarynyň agzalarynyň – 40,01 göterimi;
– uçastok saýlaw toparlarynyň agzalarynyň – 43,45 göterimi zenanlardyr.
Şeýle-de, saýlawlara ýerli derejede syn edýän milli synçylaryň 50,47 göterimi zenanlardyr.
Häzirki wagtda 2023-nji ýylyň 16-njy martyndan başlanan saýlawlar boýunça öňünden ses bermek dowam edýär we her gün sagat 08:00-dan 18:00-a çenli geçirilýär.
2023-nji ýylyň 21-nji marty ýagdaýyna görä, Türkmenistan boýunça hasaba alnan umumy saýlawçylaryň 1,82 göterimi öňünden ses bermäge gatnaşdy.
Saýlawlar gününe çenli öňünden ses bermek 25-nji martda sagat 18:00-da tamamlanar.
ORIENT news
