Handmade Exports maksatnamasyna Lebap welaýatynda badalga berler
31-nji martda USAID guramasynyň we ÝB-niň Türkmenistandaky wekiliýeti Türkmenistanyň ÝUNESKO-nyň işleri baradaky Milli komissiýasynyň goldamagynda Handmade Exports startap—inkubator maksatnamasynyň çäklerinde Lebap Handmade Exports taslamasyna badalga bererler.
Lebabyň Taryh-ülkäni öwreniş muzeýindäki badalga beriş dabarasyna Türkmenistanyň ÝB-däki ilçisi Diýego Ruis Alonsonyň, USAID-iň Türkmenistandaky wekili Nino Nadiradzeniň, Türkmenistanyň ÝUNESKO-nyň işleri baradaky Milli komissiýasynyň jogapkär sekretary Çynar Rustamowanyň gatnaşmagyna garaşylýar.
Serginiň çäklerinde el işleri bilen meşgullanýanlar myhmanlary öz önümleri bilen tanyşdyrarlar, bu el işleriniň ýerine ýetiriliş aýratynlyklary barada gürrüň bererler we geljekki meýilnamalary bilen paýlaşarlar. Çäre panel çekişmeleri görnüşinde dowam eder, onda startap-inkubator Handmade Exports maksatnamasyna öňki ýyllarda gatnaşanlar alan tejribeleri barada gürrüň bererler.
Handmade Exports maksatnamasyna 2021-nji ýylda badalga berildi. Ol zenan-telekeçileri — elde ýerine ýetirilen önümleri öndürijileri täze işewürlik-modellerini we elektron platformalary ulanmagyň hasabyna dünýäniň satuw bazaryna çykmakda goldamaga niýetlenendir.
ORIENT habarlar
