Daşkentde “Innoprom. Merkezi Aziýa” atly Halkara senagat sergisi geçiriler
24-26-njy aprelde Daşkende "Innoprom. Merkezi Aziýa" Halkara senagat sergisi geçiriler. Çäräniň guramaçylyk komitetiniň habaryna görä, “Uzeksposenter” Milli sergi toplumynda ekspozisiýanyň guraljak meýdanynyň 80% golaýy eýýäm bronlandy.
Daşkent sergi merkezinde Merkezi Aziýa ýurtlaryndan, Özbegistandan, Ermenistandan, Russiýadan, Belarussiýadan, Wengriýadan, Italiýadan we Fransiýadan 100-den gowrak işewür öz önümlerini görkezer. Sergä iri kompaniýalar bilen birlikde, kiçi we orta telekeçiligiň wekilleri-de gatnaşarlar. Mundan başga-da, innowasiýa senagat önümleriniň stendini Russiýanyň Senagat we söwda ministrligi hem gurar.
Maksatnamanyň işewürlik böleginde Ýewraziýa giňişliginde hyzmatdaşlyk meselelerini, Merkezi Aziýada senagat zolaklaryny we merkezlerini döretmegiň mümkinçiliklerini, sergä gatnaşyjy ýurtlaryň ykdysadyýetlerine sanlylaşdyrmagy ornaşdyrmak we “akylly” şäherleri döretmek taslamalaryny ara alyp maslahatlaşmak meýilleşdirilýär.
ORIENT news
