22-nji martda Moskwada «Remezan çadyry» açylýar
22-nji martda Moskwada 18-nji «Remezan Çadyry» açylýar. Bu ýyl Moskwanyň musulmanlarynyň Dini Müdirligi tarapyndan her ýylky geçirilýän medeni-haýyr-sahawat taslamasy «Halypalyk. Ýagşy görelde bol» şygary astynda geçer. 2023-nji ýylyň «Remezan Çadyrynyň» maksatnamasy Russiýanyň prezidenti Wladimir Putiniň kararyna laýyklykda bu ýylyň Mugallymyň we halypanyň ýyly diýlip yglan edilmegini göz öňüne tutup düzüldi.
Taslamanyň bu ýyldaky aýratynlygy Memorial Metjidiň öňündaki meýdançada 22-23-nji aprelde geçjek WANDI Bazar Eid Festival çäresi bolar. Meýdançada birnäçe tematiki zolaklar – söwda zolagy, tagam iýmek çäkleri, surata düşülýän zolak we çagalar meýdançasy bolar.
Bir aýlap dowam etjek çäräniň barşynda Çadyra 45 müň myhmanyň gelip görmegine garaşylýar. Olaryň arasynda – RF-nyň prezidentiniň administrasiýasynyň wekilleri, Federasiýa Geňeşiniň we Döwlet Dumasynyň agzalary, dürli ýurtlardan hormatly myhmanlar, şol sanda GDA ýurtlaryndan, ylmy intelligensiýanyň wekilleri, işewürlik düzümler, türgenler bolar. Çäreden göni alnyp görkezilişi Moskwanyň musulmanlarynyň Dini Müdirliginiň YouTube-kanalynda tomaşa edip bolýar.
Çadyr 23-nji aprele çenli açyk bolar.
Taslama hakynda jikme-jik maglumatlar bilen onuň resmi saýtyndan görüp tanşyp bolýar.
ORIENT habarlar
