Ärdogan telekeçileri ýer titremesinden soňra gaýtadan dikeldiş işini goldamaga çagyrdy
26-njy Ýewraziýa ykdysady sammitiniň gatnaşyjylaryna öz şekilli ýüzlenmesinde Türkiýäniň prezidenti Rejep Taýyp Ärdogan telekeçileri fewral aýynda ýurdy gurşap alan weýrançylykly ýer titremäniň netijelerini ýok etmekdäki tagallalary goldamaga çagyrdy. Bu barada Anadolu agentligi habar berýär.
«Bir ýylyň dowamynda sebitiň infrastrukturasyny we ejir çeken ähli ilatly ýerleri gaýtadan dikeltmegi meýilleşdirýäris. Bu işde diňe bir döwletiň däl, eýsem telekeçileriň hem goşandy wajypdyr» - diýip, Ärdogan beýan etdi we Türkiýäniň 48 müňden gowrak ýaşaýjysynyň tebigy betbagtçylygyň pidalary bolandygyny aýtdy.
26-njy Ýewraziýa ykdysady sammiti Stambulda Marmara Group strategik we sosial barlaglar boýunça türk Gaznasy tarapyndan guraldy. «Ynamsyzlygy ýok etmek, hyzmatdaşlygy ýola goýmak» şygary astynda ol dünýäniň 44 ýurdundan 300-den gowrak syýasatçylary, diplomatlary, alymlary we işewürleri ýygnady.
ORIENT habarlar
