Planetanyň iň arassa şäheri mälim edildi
Dubaý planetanyň iň arassa şäheri diýlip ykrar edildi. Mori Memorial Foundation ýapon gaznasynyň ylmy-barlagçylary şunuň ýaly netijä geldiler.
«Dubaý – dünýädäki iň howpsuz şäher, dünýädäki iň arassa we owadan şäher. Bize ony aman-esenlikde, durnuklylykda we gülläp ösüşde saklamaga Hudaýyň özi kömek etsin» - diýip, wise-prezident, BAE-niň premýer-ministri we Dubaýyň häkimi şeýh Muhammed ben Raşid Al-Maktum sosial tordaky öz resmi sahypasynda paýlaşdy.
Global Power City Index dünýäniň iri şäherlerini adamlary özüne çekip bilmek mümkinçiligine, maýa goruna we bütin dünýädäki kärhänälaryna laýyklykda bahalandyrýar.
Reýtingiň düzüliş işinde şäherleriň ykdysadyýeti, ylmy işleri we işläp taýýarlamalary, medeni gatnaşyklary, durnuklylyk, şäher gurşawy we ulagyň elýeterliligi göz öňünde tutulýar.
Şeýle hem BAE berlen ynsanperwerlik kömeginiň möçberi boýunça dünýäde üçünji ýeri eýeläp, iň jomart ýurtlaryň biridir.
ORIENT habarlar
