Türkmenistanyň Döwlet gümrük gullugynda eksport harytlaryny resmileşdirmek düzgünleriniň ýönekeýleşdirilendigini gürrüň berdiler
Eksporta ugradylýan harytlary resmileşdirmekde gümrük düzgünleriniň ýönekeýleşdirilmegi we eksporta goldaw bermek Türkmenistanyň Döwlet gümrük gullugynyň hünärmenleriniň ýurduň Senagatçylar we telekeçiler birleşmesiniň agzalary bilen duşuşygynyň esasy temasy boldy. Bu barada gümrük edarasynyň saýty habar berýär.
Işewürler jemgyýetiniň wekilleri milli kanunçylygyň eksportyň gümrük amallaryna degişli kadalary we düzgünleri, harytlara gümrük gözegçiliginiň aýratynlyklary bilen tanyş boldular. Bu ugurdaky soňky girizilen täze üýtgetmeleriň ýükleri hasaba almagyň ýönekeýleşdirilmegine we eksport edijileriň wagt bilen bagly çykdajylaryny kemeltmäge gönükdirilendir.
Döwlet gümrük gullugynyň hünärmenleri döwletiň eksport mümkinçiligini netijeli ýerine ýetirmek üçin eksport we import amallaryny kämilleşdirmek meseleleri boýunça türkmen telekeçileri bilen mundan beýläk hem özara hyzmatdaşlyga taýýardyklaryny bildirdiler.
ORIENT habarlar
