Hytaý 15-nji martdan başlap daşary ýurt raýatlaryna wizalaryň ähli görnüşlerini berip başlar
Hytaý Halk Respublikasynyň daşary ýurtlardaky wiza edaralary 15-nji martdan başlap daşary ýurtlylar üçin wizalaryň ähli görnüşleriniň berilmegini gaýtadan dikelderler – diýip, Hytaýyň KHBS-i HHR-nyň DIM-ne salgylanyp, habar berýärler.
Bulardan başga-da, Haýnan adasyndaky we Şanhaý şäherine wizasyz girmek kadasy kruiz laýnerleriniň ýolagçylary üçin gaýtadan dikeldiler. Ýurda COVID-19 pandemiýasy başlanmanka berlen we möhleti geçmedik wizalar bilen girmäge rugsat berler.
Türkmenistandan Hytaýa «Türkmenistan» awiakompaniýasynyň Aşgabat-Pekin ugry arkaly gidip bolýar. 28-nji martdan China Southern Airlines howa gatnadyjysynyň Aşgabat-Urumçy ugry boýunça uçuşlarynyň gaýtadan dikeldilmegine garaşylýar.
Şunuň bilen baglanyşykly okaň:
Türkmenhowaýollary ýolagçylara Pekine uçmak üçin goşmaça düzgünler barada ýatlatdy
ORIENT habarlar
