TDHÇB-daky söwdalaşyklar: daşarky bazarda polipropilen uly islege eýe boldy
Şenbe güni, 11-nji martda Türkmenistanyň Döwlet haryt-çig mal biržasyndaky söwdalaşyklarda TPP D 30 S kysymly polipropilen uly islege eýe boldy – diýip, ORIENT-iň habarçysy habar berýär.
Beýik Britaniýadan gelen işewür «Türkmennebit» döwlet konserniniň kärhanalarynda öndürilen bäsdeşlige ukyply önümiň jemi 100 tonnasyny satyn aldy.
Polipropileniň her tonnasyna $1130 amerikan dollary baha berildi, geleşigiň jemi bahasy $113 müň amerikan dollaryna deň boldy.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
