Türkmen dzýudoçysy Italiýada geçen Ýewropanyň açyk çempionatynda kümüş medal gazandy
Mart 14, 2023 | 14:41 |7148
Türkmen dzýudoçysy Serdar Rahymow 10-12-nji martda Rimde (Italiýa) geçen Ýewropanyň açyk çempionatynda 66 kg çenli agram derejesinde kümüş medal gazandy.
Ýaryşyň deslapky tapgyrynda türkmen dzýudoçysy Žulýen Fraskadory (Kanada), Entoni De Anželisi (Latwiýa), Aleksandr Şorty (Beýik Britaniýa) ýeňdi.
Ýarym finalda Serdar Rahymow Luka Kadžiano (Italiýa) bilen tutluşyp, ýeňiş gazanmagy başardy. Final tutluşykda türkmen dzýudoçysy Beýik Britaniýadan Çarli Ýangdan ýeňildi we kümüş medala eýe boldy.
Italiýadaky ýaryş 34 ýurtdan 381 türgeni ýygnady (220 erkek we 161 zenan). Türkmenistanyň toparyna 16 dzýudoçy wekilçilik etdi (11 erkek we 5 zenan).
ORIENT habarlar
