Türkmenistanyň Prezidenti we Halk Maslahatynyň Başlygy Hytaý Halk Respublikasynyň Döwlet Geňeşiniň Premýerini gutladylar
Türkmenistanyň Prezidenti Hytaý Halk Respublikasynyň Döwlet Geňeşiniň Premýerini gutlady
Hormatly Prezidentimiz Serdar Berdimuhamedow jenap Li Sýany Hytaý Halk Respublikasynyň Döwlet Geňeşiniň Premýeri wezipesine bellenmegi bilen gutlady.
“Biz Hytaý Halk Respublikasy bilen ýola goýlan strategik gatnaşyklary mundan beýläk-de pugtalandyrmaga aýratyn ähmiýet berýäris. Ikitaraplaýyn hyzmatdaşlygymyzy giňeltmek üçin, bar bolan uly mümkinçilikleri durmuşa geçirmek arkaly bilelikde tagalla etmäge taýýardygymyzy beýan edýärin” diýip, döwlet Baştutanymyzyň hatynda nygtalýar.
Hormatly Prezidentimiz Serdar Berdimuhamedow Li Sýana tüýs ýürekden berk jan saglyk, bagtyýarlyk we üstünlikleri, Hytaýyň dostlukly halkyna bolsa, parahatçylyk, rowaçlyk we gülläp ösüş arzuw etdi.
Türkmen halkynyň Milli Lideri, Türkmenistanyň Halk Maslahatynyň Başlygy Hytaý Halk Respublikasynyň Döwlet Geňeşiniň Premýerini gutlady
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow jenap Li Sýany Hytaý Halk Respublikasynyň Döwlet Geňeşiniň Premýeri wezipesine bellenmegi mynasybetli gutlady.
“Biz Türkmenistan bilen Hytaý Halk Respublikasynyň arasynda ýola goýlan gatnaşyklaryň derejesine ýokary baha berýäris. Türkmen-hytaý köpugurly hyzmatdaşlygynyň bilelikdäki tagallalarymyzyň netijesinde geljekde hem halklarymyzyň bähbidine ösdüriljekdigine berk ynanýaryn” diýip, Türkmenistanyň Halk Maslahatynyň Başlygynyň hatynda nygtalýar. Türkmen halkynyň Milli Lideri Gurbanguly Berdimuhamedow Li Sýana tüýs ýürekden berk jan saglyk, bagtyýarlyk we üstünlikleri, Hytaýyň dostlukly halkyna bolsa, parahatçylyk, rowaçlyk we abadançylyk arzuw etdi.
