Türkmenistan we Germaniýa bilelikdäki işewürlik forumlaryny we sergileri geçirmegi meýilleşdirýärler
Mart 10, 2023 | 12:51 |9283
Türkmenistan we Germaniýa iki ýurduň arasyndaky ykdysady hyzmatdaşlygy giňeltmek we tejribe alyşmak üçin bilelikdäki işewürlik forumlaryny we sergileri geçirmegi meýilleşdirýärler.
Bu barada Türkmenistanyň Daşary işler ministriniň orunbasary Mähri Bäşimowanyň Germaniýanyň ilçisi Mihael Uwe Birhoff bilen duşuşygynyň netijeleri boýunça belli boldy – diýip, türkmen DIM-niň saýty habar berýär.
Diplomatlar söwda gatnaşyklarynyň ösüş mümkinçiliklerine, şol sanda türkmen-german ykdysady hyzmatdaşlygy boýunça Iş toparynyň üsti bilen ösdürilmek mümkinçiligine garadylar.
Şeýle hem taraplar bilim, ylym, saglygy goraýyş we medeniýet babatynda özara gatnaşyklaryň oňyn depginini nygtadylar.
ORIENT habarlar
