Bişkek bilen Daşkent haryt dolanyşygyny ýylyň ahyryna çenli ABŞ-nyň 2 milliard dollaryna çenli ýokarlandyrmak barada ylalaşdylar
Gyrgyzystan bilen Özbegistan respublikalaryň haryt dolanyşygyny 2023-nji ýylyň ahyryna çenli iki milliard dollara çenli ýokarlandyrmak barada ylalaşdylar – diýip, Gyrgyzystan hökümetiniň metbugat gullugy RIA Nowosti habarlar agentligine habar berdi.
Habara görä, Daşkentde iş saparyny amala aşyrýan Gyrgyzystanyň premýer-ministri Akylbek Japarow penşenbe güni özbek kärdeşi Abdulla Aripow bilen duşuşdy.
Duşuşygyň barşynda "söwda-ykdysady, maýa goýum, suw we energetika, ulag-aragatnaşyk, medeni-gumanitar we beýleki ugurlar boýunça ikitaraplaýyn hyzmatdaşlygyň köpsanly meselesi ara alnyp maslahatlaşyldy".
"Taraplar şu ýyl özara haryt dolanyşygynyň möçberini ABŞ-nyň iki milliard dollaryna ýetirmäge taýýardyklaryny mälim etdiler" – diýip, metbugat gullugynyň wekili habar berdi.
“Bizde özara haryt dolanyşygyny ABŞ-nyň 2 milliard dollaryna ýetirmek üçin ähli mümkinçilikler bar we biz bilelikdäki iri taslamalaryň, hususan-da Kambar-Ata gidroelektrik stansiýasynyň we Hytaý-Gyrgyzystan-Özbegistan demir ýolunyň gurluşygynyň tizara durmuşa geçirilmegini goldaýarys" – diýip, Aripow aýtdy.
ORIENT news
