Türkmenistanyň öndürijileri Hytaýda geçiriljek importyň we eksportyň halkara sergisine çagyrylýar
Türkmen telekeçileri 15-nji aprelde Guançžou şäherinde açyljak 133-nji Hytaý import we eksport ýarmarkasyna gatnaşmaga çagyrylýar. Ol Kanton ýarmarkasy hökmünde hem bellidir. Çäre 5-nji maýa çenli dowam eder we üç tapgyrda geçiriler.
Birinji tapgyryň çäginde 15-nji aprelden 19-njy aprel aralygynda elektrik enjamlary, hojalyk we durmuş tehnikasy, ulag serişdeleri, gurluşyk materiallary, himiýa önümleri we ş.m. görkeziler.
23-nji aprelden 27-nji aprel aralygynda myhmanlar gündelik ulanylýan harytlar we öý bezegi üçin niýetlenen dürli önümler bilen tanşyp bilerler. 1-nji maýdan 5-nji maý aralygynda sergide dokma önümleri, dynç alyş üçin harytlar, derman serişdeleri we lukmançylyk enjamlary, şeýle-de azyk önümleri görkeziler.
Kanton ýarmarkasy Hytaý Halk Respublikasynyň Söwda ministrligi we Guançžou welaýatynyň Halk hökümeti tarapyndan Hytaýyň Daşary söwda merkezi bilen bilelikde her iki ýylda bir gezek geçirilýär.
ORIENT news
