Özbegistan Eýranyň ŞHG-a agzalyga kabul edilmek üçin borçlary hakynda Ähtnama gol çekdi

Mart 09, 2023 | 18:52 |6791

Özbegistanyň Prezidenti Şawkat Mirziýoýew Eýranyň ŞHG-a agza döwlet statusyny almak üçin borçlary hakynda 2023-nji ýylyň 25-nji ýanwarynda kabul edilen Ähtnama gol çekdi. Bu barada RIA Nowosti agentligi Milli kanunçylyk bazasynyň internet saýtynda ýerleşdirilen resminama salgylanyp, habar berýär.

Döwlet baştutany ýurduň Daşary işler ministrligine Özbegistan tarapyndan resminamanyň güýje girmegi üçin zerur bolan içerki resminamalaryň taýýarlanandygy barada guramanyň sekretariatyna habar bermegi tabşyrdy.

Eýran ŞHG-a agza döwlet statusyny almak üçin öz borçlary hakynda Ähtnama 2022-nji ýylyň sentýabr aýynda Samarkantda gol çekdi.

ŞHG-a girmegiň tertibine laýyklykda, memorandum guramanyň agza ýurtlary tarapyndan hem tassyklanmalydyr.

ORIENT news