Owganystanda ýurtda öndürilen nebit üçin ilkinji tender geçirildi
Owganystanda ýurduň içinde öndürilen nebit üçin ilkinji tender geçirildi – diýip, Talibanlar hökümetiniň Dag-magdan senagaty we nebit ministrligi habar berdi.
Habara görä, sişenbe güni ministrligiň baş binasynda Dag-magdan senagaty we nebit ministri Şahabuddin Delawaryň we beýleki resmi adamlaryň gatnaşmagynda 27,000 tonna çig nebit satyldy.
Ministr açylyş dabarasynda eden çykyşynda tendere owgan kompaniýalarynyň gatnaşýandygyny, şeýle hem nebiti gaýtadan işlemek boýunça ähli işiň ýurduň içinde geçiriljekdigini buýsanç bilen belläp geçdi. Ol munuň energiýa bilen öz-özüni üpjün etmek we ýurt üçin girdeji gazanmak ugrundaky möhüm ädimdigini aýtdy.
Ministrlikde “tebigy baýlyklary çykarmakda we satmakda hasabat maglumatlary doly ýörediljek aç-açan prosesi döretmek” ugrunda iş alnyp baylýandygy barada bellenildi.
ORIENT news
