Gurbanguly Berdimuhamedow IIM-niň awtoulag merkezine täze gelen sport ulagy bilen tanyşdy
Şu gün Türkmen halkynyň Milli Lideri, Halk Maslahatynyň Başlygy Gurbanguly Berdimuhamedow Içeri işler ministrliginiň Sport-ulag merkezine täze gelip gowşan sport ulagyny synagdan geçirdi.
Arkadag sport maksatly ýöriteleşdirilen bu ulagyň tehniki häsiýetlerinden, aýratyn-da, tizligi artdyrmagyň mümkinçiliklerinden we onda sürüji üçin döredilen şertlerden peýdalanyp, awtoulag sportuna ýöriteleşdirlen meýdançanyň çäginde birnäçe öwrüm etdi.
Hormatly Arkadagymyz awtomobil sporty boýunça ýokary halkara görkezijilerine laýyklykda enjamlaşdyrylan täze sport ulagynyň tizligini, onda üpjün edilen mümkinçilikleri synagdan geçirdi. Täze sport ulagy ýokary tizlikli bolmak bilen, onuň dolandyryş ulgamy täzeçil tehnologiýalar bilen doly üpjün edilipdir.
Hormatly Arkadygymyz merkeziň ygtyýaryna gelip gowşan täze sport ulagynyň ähli görkezijilerine ýokary baha berdi.
