BelTA: Belarus Hytaýa bilelikdäki kärhanalary döretmegi we hyzmatdaşlygy ösdürmegi teklip edýär
HHR-nyň başlygy Si Szinpin bilen gepleşiklerde Belarus Respublikasynyň prezidenti Aleksandr Lukaşenko Hytaýa bilelikdäki kärhanalary döretmegi we hyzmatdaşlygy ösdürmegi teklip etdi. Bu barada BELTA habar berýär.
«Biz Hytaý bilen tehnologik ösüş boýunça hyzmatdaşlygy çuňlaşdyrmaga, şol sanda bilelikdäki önümçilikleri döretmäge, häzirki zaman hytaý tehnologiýalaryny ornaşdyrmak bilen, belorus kärhanalaryny döwrebaplaşdyrmaga, harytlary we hyzmatlary üçünji ýurduň bazarlarynda öňe sürmäge gyzyklanýarys» - diýip, Aleksandr Lukaşenko aýtdy.
Şeýlelikde, ol stanok gurluşygy, elektroulag babatynda, oba hojalyk tehnikalary üçin düzüm bölekleriň önümçiligi boýunça hem Belarusda hem Hytaýda bilelikdäki kärhanalary döretmegi teklip etdi.
«Hyzmatdaşlyk önümiň bäsdeşlige ukyplylygyny ýokarlandyryp biler» - diýip, prezident belledi.
Ikitaraplaýyn taslamalaryň geljegi uly mümkinçiliklerini belläp, Lukaşenko belorus öndürijileriniň hytaý kompaniýalarynyň hereketlendirijileriň, transmissiýalaryň, köprüleriň we beýleki agregatlaryň çykarylyş tejribesini öwrenmäge gyzyklanýandygyny aýtdy.
Aleksandr Lukaşenkonyň we HHR-nyň başlygy Si Szinpiniň duşuşygy belorus lideriniň Hytaýa bolan döwlet saparynyň çäklerinde geçdi.
ORIENT habarlar
