Türkmenistanyň ýangyç- energetika toplumy meýilleşdirilen görkezijilerden öňde barýar
2023-nji ýylyň ýanwar-fewral aýlarynda Türkmenistanyň ýangyç-energetika toplumynda iň gowy görkezijiler çalgy ýaglarynyň önümçiliginde gazanyldy - meýilleşdirilen wezipe 110,7% ýerine ýetirildi. Ýurdumyzda 105% meýilnama artykmaçlygy bilen polipropilen, 100,8% - dizel ýangyjy öndürildi.
Tebigy we ugurdaş gaz önümçilik meýilnamasy 105,3%, nebiti gaýtadan işlemek boýunça kesgitlenen meýilnama 101,2% ýerine ýetirildi.
Bu barada premýer-ministriň orunbasary Aşyrguly Begliýew anna güni ýurdumyzyň hökümet mejlisinde ýylyň ilkinji iki aýynda ýangyç-energetika toplumynda alnyp barylan işleriň netijeleri boýunça beren hasabatynda habar berdi.
Prezident Serdar Berdimuhamedow uglewodorod önümçiligini ýokarlandyrmak, gaýtadan işleýän kärhanalaryň doly kuwwatynda işlemegini üpjün etmek, şeýle hem, enjam we beýleki maddy-tehniki serişdeleri öndürijilerden göni üpjünçiligi ýola goýmak, Türkmenistanyň täze nebitgaz ýataklaryny özleşdirmäge öňdebaryjy tehnologiýalary, iri daşary ýurt kompaniýalaryny we maýadarlaryny çekmek barada degişli görkezmeler berdi.
ORIENT news
