Moskwada Ýewraziýa giňişliginde uniwersitetleriň we innowasiýalaryň mekdepleriniň Arkalaşygyny döretmek hakynda ylalaşdylar
Bu mowzuk, penşenbe güni Moskwanyň M. Lomonosow adyndaky döwlet uniwersitetinde geçirilen uniwersitetleriň Ýewraziýa birleşiginiň XV Gurultaýynyň esasylarynyň biri boldy – diýip, BELTA habar berýär.
Foruma gatnaşmak üçin uniwersitetleriň rektorlary we prorektorlary, ýagny Azerbaýjanyň, Ermenistanyň, Belarusiýanyň, Gazagystanyň, Gyrgyzystanyň, Russiýanyň, Täjigistanyň, Türkmenistanyň, Özbegistanyň we beýleki ýurtlaryň uniwersitetleriniň Ýewraziýa birleşiginiň agzalary Moskwada ýygnandylar.
Şeýle hem, Gurultaýa gatnaşyjylar zehinli mekdep okuwçylary bilen uniwersitetleriň işini guramak meselelerine seretdiler, bilim usullaryny ösdürmek we bilelikdäki taslamalary durmuşa geçirmek boýunça tejribe alyşdylar.
Duşuşykda MDU-niň rektory Wiktor Sadowniçiý Ýewraziýa giňişligi ýurtlarynyň uniwersitetlerine «Uniwersitetiň üç wezipesi» atly halkara bahalandyrmasyna gatnaşmagy we onuň görkezijilerini öz ýokary okuw jaýynyň işini guramakda ulanmagy teklip etdi. Indeksiň esasyna garaşsyz çeşmelerden uzakdan ýygnan obýektiw görkezijiler ýerleşdirilendir. Şeýle çemeleşme maglumatlary manipulirlemek töwekgelçiligini azaldýar – diýip, Sadowniçiý belledi.
Birleşik 30 ýyl mundan ozal döredilip, 140 sany öňdebaryjy uniwersiteti öz içine alýar. Moskwa döwlet uniwersitetiniň rektory, akademik Wiktor Sadowniçiý Uniwersitetleriň Ýewraziýa birleşiginiň prezidentidir.
ORIENT news
