Almatyda XIV Halkara Ýewraziýa farmasewtika forumy geçirilýär
Gazagystan Ýewraziýa we GDA ýurtlary üçin farmakologiýa pudagyndaky möhüm temalary ara alyp maslahatlaşmagyň ýerine öwrüldi. Iki günüň dowamynda - 28-nji fewraldan 1-nji mart aralygynda XIV Halkara Ýewraziýa farmasewtika forumyna gatnaşyjylar Almatyda Ýewraziýa sebitiniň we Garaşsyz Döwletleriň Arkalaşygyna agza ýurtlaryň derman senagaty bilen baglanyşykly meseleleriniň birnäçesine serederler – diýip, Gazagystanyň metbugaty habar berýär.
Duşuşyga gatnaşyjylar Ýewraziýanyň farmasewtika bazarlaryny täze durmuş hakykatyna amaly taýdan uýgunlaşdyrmak, Ýewraziýa ykdysady bileleşiginiň we GDA ýurtlarynyň derman senagaty üçin hyzmatdaşlygyň hilini üýtgetmek, derman senagatynyň bahalaryny kadalaşdyrmak we farmasewtika serişdeleriniň dermanhanalarda ýetmezçiliginiň, bolmazlygynyň öňüni almak, şeýle hem innowasion serişdeler bazaryna girmek meselelerini ara alyp maslahatlaşarlar.
Foruma gatnaşmak üçin pudaklaýyn guramalaryň, ministrlikleriň we dolandyryş edaralarynyň, şeýle hem Ýewraziýadaky iri halkara we ýerli farmasewtika serişdelerini öndüriji kärhanalaryň hünärmenleri Almaty şäherine geldi.
Duşuşyk Gazagystan Respublikasynyň Saglygy goraýyş ministrliginiň goldawy bilen geçirilýär.
ORIENT news
