Çenden aşa ýanwar sowuklarynda Lebapda 1 mlrd kub metrden gowrak tebigy gaz çykardylar
Ýanwar aýynyň dowamynda «Türkmengaz» DK Lebap welaýatynda 1 mlrd 19,3 mln kub metr tebigy gazy gazyp aldy, muňa konserniň ýanyndaky «Lebapgazçykaryş» müdirliginiň merkezi önümçilik-dispetçer gullugynyň maglumatlary şaýatlyk edýär – diýip, Türkmenistanyň nebit-gaz toplumynyň saýty habar berýär.
Çenden aşa ýanwar sowuklaryna garamazdan, gazçylar meýilnamany 110%-den gowrak ýerine ýetirmegi başardylar – diýip, uçastogyň önümçilik-dispetçer gullugynyň başlygy Begenç Ataýew aýtdy.
Ýerli müdirligiň işgärleri çenden aşa sowuklar sebäpli gazyň berilmegindäki mümkin bolan kesilmeleriň öňüni almak üçin elinden gelenini etdiler we gyş möwsüminde sarp edijileriň öýlerini mawy ýangyç bilen üpjün etmek üçin uly tagallalary etdiler.
«Işiň depginini gowşatmazdan öňe hereket ederis. Biziň zähmet kollektiwimiziň ähli wezipeleriň hötdesinden geljekdigine ynamym bar we ýylyň dowamynda ýene-de ýokary derejelere ýeteris» - diýip Ataýew sözüniň üstüne goşdy.
ORIENT habarlar
