Türk alpinistleri ýer titremäniň pidalarynyň hatyrasyna iň beýik daga çykarlar
Fewral 28, 2023 | 16:41 |7050
Türkiýäniň alpinistleriniň topary ýurduň günortasynda we günorta-gündogarynda weýrançylykly ýer titremeleriň netijesinde wepat bolanlaryň hatyrasyna Merkezi Anatoliýanyň iň beýik dagy bolan Erjiýese çykarlar – diýip, Kaýseri welaýatynyň alpinizm boýunça müdirliginiň wekili Ysmaýyl Ýylmaza salgylanyp, Anadolu agentligi habar berýär.
Bu 11-12-nji marta meýilleşdirilen şunuň ýaly ýörişleriň 13-njisidir. Aksiýanyň ýüze golaý adamy ýygnamagyna garaşylýar.
Ilkibaşda, daga çykmak 11-12-nji fewrala meýilleşdirilipdi, ýöne ýer titreme bilen baglanyşykly sene üýtgedildi.
Ýylmazyň gürrüň bermegine görä, köp alpinistler gözleg-halas ediş işlerine gatnaşmak üçin ýer titremäniň bolan etraplarynda işlän meýletinçileriň hataryna goşuldylar.
ORIENT habarlar
