“Gazprom” bilen Eýran energetika hyzmatdaşlygy meselelerini ara alyp maslahatlaşdylar
Şu gün "Gazprom" PJ-niň müdiriýetiniň başlygy Alekseý Miller bilen Eýran Yslam Respublikasynyň Russiýa Federasiýasyndaky Adatdan daşary we Doly ygtyýarly ilçisi Kazem Jelali bilen iş duşuşygy geçirildi.
Taraplar energiýa hyzmatdaşlygynyň derwaýys meselelerini ara alyp maslahatlaşdylar – diýlip, “Gazprom”-yň internet sahypasynda habar berilýär.
2022-nji ýylyň iýulynda "Gazprom" PJ bilen Eýranyň “National Iranian Oil Company” Milli nebit kompaniýasynyň arasynda strategiki hyzmatdaşlyk boýunça özara düşünişmek barada Memoranduma gol çekildi. Resminama, hususan-da, aşakdaky ugurlarda özara gatnaşyklaryň mümkinçilikleriniň seljermesini, ýagny Eýranyň gaz we nebit ýataklaryny özleşdirmek, tebigy gaz we nebit önümleri bilen alyş-çalyş amallaryny amala aşyrmak, uly kiçi tonna göwrümli suwuklandyrylan tebigy gaz (LNG) taslamalaryny durmuşa geçirmek, magistral gazgeçirijileriň gurluşygy, ylmy, tehniki we tehnologiki hyzmatdaşlyk ýaly ugurlary öz içine alýar.
2002-nji ýyldan bäri Eýranda "Gazprom" PJ-niň wekilhanasy işleýär.
ORIENT news
