GDA-nyň ÝHG-niň howandarlygynda 6-njy halkara awtoulagly ýörişi guramak maslahatlaşylýar
Türkmenistanyň daşary işler ministri Wepa Hajyýewiň ÝHG-niň başlygy Buri Karimow bilen geçiren duşuşygynda 6-njy halkara awtoulagly ýörişi guramak hem-de Aşgabatda GDA-nyň Ýolçularynyň hökümetara geňeşiniň (ÝHG) ylmy-amaly maslahatyny geçirmek baradaky meseleler ara alnyp maslahatlaşyldy.
Karimowyň pikirine görä, nobatdaky halkara awtoulagly ýöriş halkara ulag geçelgeleriniň, şol sanda awtomobil ýollarynyň ýagdaýyny gowulandyrmaga hem-de ösüşine, ýollarda howpsuzlyga, ulaglaryň we ýükleriň hereket edýän ugrunda päsgelçilikleriň sanyny azaltmaga ýardam eder diýip, türkmen DIM-niň metbugat-gullugy habar berýär.
Taraplar ÝHG-niň öňde boljak 46-njy mejlisi bilen birlikde, geljekde bilelikdäki çäreleri guramak we geçirmek boýunça özara hereketleri dowam etmegi ylalaşdylar.
Duşuşygyň dowamynda Türkmenistanyň GDA-nyň ÝHG-i bilen alyp barýan hyzmatdaşlygy hem-de sebitde halkara ulag geçelgelerini ösdürmekde ýurduň eýeleýän işjeň orny ara alnyp maslahatlaşyldy.
ORIENT news
