Türkmen telekeçisi Russiýa pomidoryň 100 tonna golaýyny eksport edýär
Daşoguz welaýatynda “Uly höwes” Hojalyk jemgyýeti tarapyndan ösdürilip ýetişdirilýän pomidorlar her aý Russiýa bazaryna iberilýär. Tagamly pomidorlaryň 80-100 tonna golaýy eksporta gidýär - diýip, Türkmenistanyň Senagatçylar we Telekeçiler Birleşigi habar berýär.
Öňdebaryjy ýewropa enjamlary bilen enjamlaşdyrylan kompaniýanyň ýyladyşhanasy ýurduň demirgazygynda - Daşoguz welaýatynyň Şawat etrabynda ýerleşýär.
Bu ýerde pomidoryň “altess” sorty ösdürilip ýetişdirilýär. Ýyladyşhanada ýerine ýetirilýän işleriň köpüsi awtomatlaşdyrylandyr, bu bolsa önümçiligiň netijeliligini ýokarlandyrýar. Teplissada 40 töweregi hünärmen zähmet çekýär.
Geçen ýyl Türkmenistanyň daşary ýurtlara 104,000 tonna pomidor eksport edendigini bellemelidiris. 2021-nji ýylda ýurdumyz Russiýa pomidor iberýän ýurtlaryň ilkinji dörtlügine girdi we bu oba hojalyk önümi bilen Täjigistany üpjün etmekde esasy orny eýeledi.
ORIENT news
