Fransiýada interneti kadalaşdyrmak boýunça taryhda ilkinji bütindünýä maslahat geçirildi
Parižde «Ygtybarly Internet» atly sanly platformalary kadalaşdyrmak boýunça bütindünýä gollanmasynyň taslamasyny ara alyp maslahatlaşmak maksady bilen geçirilen taryhda ilkinji maslahat tamamlandy - diýip, BMG-niň metbugat gullugy habar berýär.
Üç günlük çäre ÝUNESKO tarapyndan maglumatyň ynamdarlygyny ýokarlandyrmak we internetde adam hukuklaryny öňe sürmek maksady bilen gurnaldy. Ol sanly platformalary kadalaşdyrmak boýunça sentýabrda hödürlenjek gollanmany işläp düzmekde tamamlaýjy tapgyr bolup durýar.
Gatnaşyjylar döwlete degişli we hususy düzümleriň wekilleri, ylmy toparlaryň we raýat jemgyýetiniň wekilleri internet-giňişliginde nädogry maglumat ýaýratmagyň ösýän jähtinde maglumat gözlemek we almak üçin hukuga eýe bolmagyň zerurdygy babatda ylalaşdylar.
ÝUNESKO-nyň baş direktory Odri Azule interneti hakykatdan-da jemgyýete hyzmat edýän we öz pikiriňi erkin beýan etmek hukugyny üpjün etmäge kömek edýän gurala öwürmek üçin ähi ýurtlaryň tagallalaryny birleşdirmäge çagyrdy.
Maslahatyň 4300-den gowrak gatnaşyjyny ýygnandygyny, olaryň arasynda Braziliýanyň prezidenti Luis Inasiu da Silwanyň, 2021-nji ýylyň parahatçylyk boýunça Nobel baýragynyň eýesi Mariýa Ressanyň bardygyny belläp geçmelidiris.
ORIENT habarlar
