Türkmenistandaky ÝB diplomatik gatnaşyklaryň 30 ýyllygy mynasybetli foto işleriň bäsleşigine badalga berýär
Türkmenistan bilen Ýewropa Birleşiginiň arasynda diplomatik gatnaşyklaryň ýola goýulmagynyň 30 ýyllygy mynasybetli ÝB-niň Türkmenistandaky wekilhanasy foto işleriň bäsleşigine badalga berýär.
Döredijilik bäsleşigine Türkmenistanyň islendik ýaşaýjysy, hünäri boýunça suratçy ýa-da höwesjeň suratçylar gatnaşyp bilerler. Bäsleşige gatnaşýanlar türkmen halkynyň durmuşyna, medeniýetine we däp-dessurlaryna, ýurduň taryhyna bagyşlanan fotoetýudlary tabşyrmaly.
Işleri 15-nji marta çenli aziza.rizayeva@eeas.europe.eu elektron salgysyna ugratmaly. Saýlanyp alnan dalaşgärler bilen ÝB-niň Türkmenistandaky wekilhanasynyň işgärleri habarlaşarlar.
Iň gowy suratlar ÝB-i tarapyndan diplomatik gatnaşyklaryň ýola goýulmagynyň ýubileýine bagyşlanyp taýýarlanyljak Türkmenistandaky durmuş baradaky ýörite kitaba giriziler.
ORIENT habarlar
